Sefydliad Ymchwil Peirianneg a Deunyddiau Uwch
Bydd y Sefydliad Ymchwil Peirianneg a Deunyddiau Uwch (AEMRI) yn gyfleuster archwilio a dilysu gwaith peirianneg o'r radd flaenaf a leolir yn TWI Cymru ym Mhort Talbot. Mae’n yn isadran arbenigol o grŵp TWI, a chaiff ei ariannu'n rhannol gan Gronfa Datblygu Rhanbarthol Ewrop trwy law Llywodraeth Cymru, a chaiff ei gryfhau gan fuddsoddiad trwy bartneriaethau allweddol â diwydiannau. Mae'n adeiladu ar brofiad llwyddiannus presennol TWI o arwain ymchwil ddiwydiannol arloesol a blaenllaw ym maes NDT trwy brosiectau a ariennir gan yr UE, ac mae'n cynorthwyo sectorau grymus gan gynnwys y sectorau awyrofod, cerbydau modur, electroneg ac ynni niwclear ac adnewyddadwy.
Nod AEMRI yw sbarduno twf busnes a chystadleurwydd sefydliadau gweithgynhyrchu a pheirianneg trwy ymchwil a nodir ynghylch peirianneg a deunyddiau uwch. Rhagwelir y bydd ei gyfleusterau technegol wedi’u cwblhau erbyn 2020.
Mae AEMRI yn arbenigo mewn modelu ac efelychu uwch, profion mecanyddol llawn ar raddfa fawr a gwerthuso anninistriol awtomataidd uwch i ganfod diffygion difrifol, ac mae'n rhannu ei weithgareddau technegol yn bedwar maes gwahanol.
Mae amgylchedd ymchwil AEMRI yn cyfuno arbenigedd, offer ac adnoddau i gynnal profion pwrpasol ar strwythurau a gwasanaethau gwerthuso sydd wedi'u cynllunio i bennu, profi a dilysu terfynau perfformiad deunyddiau uwch, a chanfod dulliau o arbed amser, lleihau costau cynhyrchu a lleihau'r risg o fethiant strwythurau.