Mae'r Prosiect AEMRI yn cael ei ymestyn tan fis Mehefin 2023 ar ôl £890,000 yn ychwanegol o arian yr UE. Bydd yr arian hwn yn cynyddu nifer yr ymchwilwyr a'r partneriaid sy'n gallu gweithio gyda'r cyfleuster profi a gwerthuso o'r radd flaenaf, a dod â chyfanswm cyllid prosiect yr UE hyd yma i £8.4m.
Wrth siarad ar y newyddion, dywedodd Ian Nicholson, rheolwr prosiect AEMRI yn TWI Cymru, “Mae AEMRI wedi galluogi TWI Cymru i aros ar flaen y gad ym maes ymchwil profi annistrywiol. Nid ein barn ni'n unig yw hyn, ond mae adborth gan ddiwydiant yn ategu hynny. O ganlyniad, rydym wedi cynyddu ein hincwm R&D trwy ystod o brosiectau mawr, sydd, yn ei dro, wedi helpu i greu 20 o swyddi newydd yn ein canolfan ym Mhort Talbot.”
Parhaodd Ian, “Mae'r swyddi newydd hyn, cydweithredu cryfach â phrifysgolion, ar y cyd â myfyrwyr PhD/EngD yn gosod y llwybr at genedlaethau sy'n datblygu o beirianwyr ymchwil medrus iawn, creu gwybodaeth ac etifeddiaeth barhaus i Gymru.”
Daeth i'r casgliad, "Bydd yr hyder a'r cyllid pellach hwn gan Gronfa Datblygu Rhanbarthol Ewrop trwy Lywodraeth Cymru yn cefnogi TWI i barhau i sbarduno twf busnes a chystadleurwydd ar gyfer sefydliadau gweithgynhyrchu a pheirianneg, nid yn unig yng Nghymru, ond yn y DU a ledled y byd hefyd."
Mae Sefydliad Ymchwil Peirianneg a Deunyddiau Uwch (AEMRI) wedi ei ariannu gan Swyddfa Cyllid Ewropeaidd Cymru (WEFO) gan ddefnyddio Cronfa Datblygu Rhanbarthol Ewrop (ERDF).
